Deskribapena: Estructura de un documento html que use three.js para generar gráficos.

Deskribapena: Aurkezpen honek kasu bakoitzeko azterlan ezberdinen emaitzak laburbilduko ditu eta hauen ekarpenak ingurune-baliabideen kudeaketan. Horrez gain, haien gaitasun informatiboa eztabaidako da, batez ere, komunitate bakoitzak erabilitako eskubideak eremu eta baliabide mankomunak eskura izateko. Eraginen dimentsio jurisdikzionalaren ikerketaren bidez, bi gai eztabaidatu nahi dira. Alde batetik, eremu mankomunalen gatazken gaiari aurre egin nahi da, eta bestaldetik, galdera berriak egin nahi dira baserri-historiari dagokionez.

Deskribapena: Aurkezpen honek Mallako (Oñati, Gipuzkoa) bordetako mikrofosil ez polinikoen azterlanaren (onddoen esporak, algak, ornogabe-abarrak eta parasitoak, besteak beste) aurremaitzak aurkeztuko ditu. Ikerketak eremu honen ustiapen prozesuen aldaketak berritzeko NPP-en baliotasuna baieztatzen du, bereziki abeltzaintza-aldaketei dagokionez.

Deskribapena: Geoarkeologia Natur Zientzien diziplina bat da eta bere helburu nagusiak lurzoruen formazio-prozesuen identifikazioa eta karakterizazioa dira. Eragile geologiko eta kimikoez gainera, giza faktoreak ere formazio-prozesu hauetan badute eragina. Horregatik Araba eta Gipuzkoako eremu komunalen ingurune-baliabideen kudeaketaren esparruan dauden arazoak sakontzeko, azterlan geoarkeologiko bat burutu da.

Deskribapena: Aurkezpen honen helburu nagusia Aizkorri mendilerroaren eremu mankomunen paisai begetalaren berritzea da. Horretarako, mendilerroaren leku ezberdinetan eginiko azterketa palinologikoaren eta mikrofosil ez polinikoen lehenengo emaitzak aurkezten dira, bereziki Urbian (Gipuzkoa eta Arabako Partzuergo Orokorra) eta Mallan (Oñati). Azterlan hauetan behatutako aldaketak posible egin dute bilakaera prozesu bat ikustea: lehenengo, zuhaixkak nagusi diren paisai ireki bat antzematen da (batez ere txilarrak) eta gero, gaur egungo paisaia ematen da, non zuhaitz estalki gehiago dagoen eta abeltzaintza jarduera nagusia den. Azkenik, aldi baterako laborantzen identifikatzea saiakera aztertuko da, Europako beste gune batzuetan egin den bezala.

Deskribapena: Aurkezpen honetan Malla-Duru (Oñati) eta Menditxoko (Zalduondo) silizeko mikrofosil begetalen (fitolitoak) eta klatzitazko mikrofosilen (kaltzitazko pseudomorfoak eta gorotz-esferolitioak) azterlanaren aurremaitzak aurkezten dira. Helburu nagusia ebidentzia mikrofosil hauek Oñatiko borden okupatze-sekuentzien eta aldi baterako laborantzen karakterizazioa ahalbidetzeko gaitasuna ezagutzea da, ikuspuntu diakroniko baten bitartez. Nahiz eta kaltzitazko mikrofosilen azterlana (bai begetalak, bai fekalak) ezezko emaitzak eman dituen (seguru asko kontserbazio baldintzak direla eta), fitolitoak mendi esparruko hainbat jardueren adierazgarritzat jo daitezke. Emaitza hauek, beste adierazgarri bioarkeologiko eta geoarkeologikoekin batera, diziplina anitzeko estrategien baliozkotasuna egiaztatzen dute, bai Aizkorriko ustiaketa-mota eta formazio prozesuak zehazteko, bai denboran zehar mendian izan diren jarduera anitzak deskribatzeko.

Deskribapena: Proiektuaren bloga: http://www.ehu.eus/ehusfera/archimede/