Deskribapena: Donostiako Miramar Jauregian, Basque Yourself International Summer School egitasmoaren lehen edizioa aurkeztu da, hau da, euskal ikasketak eta jolas zein kultur jarduerak uztartzen dituen UPV/EHUren Udako Ikastaroen egitarauko ikastaro berria. Aurkezpen ekitaldian izan dira UPV/EHUko errektore Iñaki Goirizelaia, Udako Ikastaroen zuzendari Carmen Agoués, eta jardueraren koordinatzaile akademiko eta Etxepare Euskal Institutuko Euskararen Sustapen eta Hedakuntzako zuzendari Mari Jose Olarizegi.