O obradoiro de percusión e canto tradicional “As ferreñas fanlle o son” a cargo do coñecido músico galego Xabier Díaz. Xabier Díaz, para quen non o coñeza, é un dos músicos galegos máis destacados do ámbito da música tradicional e folk en Galicia. Membro de Berrogüetto e de Acadacanto ten publicado traballos en solitario como “Coplas para Icía” e “Músicas de salitre”. Ademais colabora habitualmente con músicos como Kepa Junkera, Xosé Manuel Budiño, Uxía, etc. e copresenta, xunto a Guille Fernández, “Tres peixes voando” na Radio Galega. Neste obradoiro Xabier Díaz centrarase en realizar un percorrido polo repertorio vocal galego acompañándose de instrumentos de percusión (pandeiros, adufes, pandeiretas, tambores…).