Begirada zabaleko hausnarketa egingo du energiarekin zerikusia duten arazo larrienen inguruan, beraien arteko erlazio anitzak aztertuz: ingurumeneko arazoak, elikaduraren gaineko eraginak, osasunaren gainekoak, Giza Eskubideen urraketa zein gatazken sorkuntza. Azken gai honek bilduko du analisiaren gordina; erregai fosilekiko menpekotasunak herrialdeen gobernagarritasuna nola baldintzatzen duen, eta ustelkeriarekin, larderiazko erregimen politikoekin, gastu militar handiarekin, eta gerra zibilak pizteko arrisku altuarekin energiaren auziak duen zerikusia aztertuko da, besteak beste.